وحق الرصيف و الرغيف

وعرفتك ....صدفة تلاقينا

و مشينا... وحلفنا وبكينا

حكيناعالماضي ووجيعة ليام

حكينا عالجامعة و الشارع 

حكينا ...تمنينا ...رجعنا الدنيا

ورجعنا وعشقنا دنيتنا

حكينا و بدينا 

وحق الخطوة 

و البوسة ليتيمة

وحق الرصيف و الرغيف

و حق الحيط الي يقطر 

وحق الشمعة و ايام الظلمة

وحق العرق 

و منجل الحصادة

وحق فلسطين ... ورياح الهول 

انت القمرة ... انت السمراء

ونوار اللوز و ظل الزيتونة .

و عرفتك ... حبيتك

و مشينا... و بدينا

ايد وايد وصوابع ترعش

و الظلمة المتخبية تحت الشباك

و بقينا زوز صغار تحت حيط المدرسة

نقراوا حبنا 

و نسينا و هربنا 

و غنينا و طرنا 

وسمانا فرحانة .

اعترفك ان الكتب السماوية ستذكر انني التقيتك هناك حيث الحب تاشيرة الحياة.