لانها لينا بن مهني

  اول حاجة خاطرها امرءة و لازم نحترموا رايها و الا نقدسوه كان لزم و نبعدوا على التخلف و نخربوا هالمجتمع الذكوري. و ثانيا خاطرها مناضلة وة دافعت على مساجين الحركة الطلابية و نشرت اخبار الحوض المنجمي و ق تالي كان شطر شعبنا كالنعامة مغطس راسو في الرمل و الطبعة. و ثالثا لانها

وقفت وقفة صيودا في الي تسموه ثورة الكرامة و من بين بطولاتها انها نقلت احداث الرقاب يوم 9 جانفي وسط الرصاص و الدم و تنجم تسئلوا ام الشهيد نزار سليمي. و رابعا خاطرها طيبة و قلبها ابيض و حنينة و رجولية و خامسا خاطرني نحبها برشى و سادسا الي ادور بيها مايلوم كان روحو خاطر كل مرة تشدولنا واحد من مدونينا الابطال و تبداوا تقطعوا و تنريشوا و تضربوا و اليوم المسئلة وصلت للتحريض برفع قضايا للمحاكم ... توا تخرولها فيه...

نسيت حقا و الا خاطرها موش عاملة نقاب .... و الا خاطر حاسدينها خاطر اكاديمية كبيرة في البلاد ... و الا حاسدينها خاطرها وةلات مشهورة ... و الا حاسدينها خاطر البدع الدينية متاع تبيح القتل و اراقة الدماء و الانتقام.

سنتحسس طريقنا في الظلام بعنف

و البادئ اظلم