تونس مرا هجاالة ما عندها كان وليداتها الصغار ادافعوا عليها

تونس اميمتنا يا غالية يا الي تهجلت علينا في صغرك و قريتنا و كبرتنا اما خسارة بقينا بطالة... العايلة الكلها بشهايدها و ما خدمناش.... باش نلبسوك و نزينوك و نحجوك ... تونس اشبيهم الجيران يكرهوك .. جارنا هاك البوليسي تفكرتوا الي يعمل كاسكا على راسوا هاك السمين الي يلبس بالاكحل ... ها ك الي يضربلك في وليداتك و يقول عليهم فاسدين و مخربين... ميسالش ادا كان حبك يتسمى فساد خليهم يفسدوا و يهملوا ... خليهم الوجوا عليك من شارع الى شارع ... من مرمة لمرمة ... من حبس الحبس ... اما اجي نهار و يلقوك و يفرحوك و يبوسوك و يتلموا و يدوروا بيك ....